إلى أين تتجه السفينة بدون ربان

في البداية أود أن أشير بأنني أكتب هذا الموضوع و أجو أن لا تكون ردوده بالدعاء فقط و انما بتحليل عقلاني تعبر فيه عن رأيك لأيا كان
لعل شعبنا الفلسطيني ومنذ أن وجد لم يتعرض لأزمة مشابهة لما يعانيها اليوم في ظل ظروف نعرفها جميعا من انقسام داخلي و ممارسات الاحتلال و المستوطنين و إلى آخره من المآسي التي يعاني مها شعبنا .
أود فقط أن أعرض بعض مواقف العالم وما يدور حول قضيتنا بشكل سريع
حماس تعلن اليوم على لسان أحد المتحدثين باسمها وممن لا يعتبرون من القيادات الكبيرة فيها عن انتهاء التهدئة بعد مجموعة من الغارات الاسرائيلية على القطاع و مع استمرار الحصار الاسرائيلي الفروض على القطاع .
الجهاد الاسلامية وبعض الفصائل الفلسطينية الاخرى تؤيد انهاء التهدئة
السلطة ( الوطنية ) ضد كل ما تقوله حماس أو تفعله
اسرائيل في وضع داخلي صعب يحدد مصير قياداته في الانتخابات المقبلة أسلوب التعاطي مع الضية الفلسطينية على الصعيد العسكري
إيهود باراك كان قد أعلن أكثر من مرة أن الجيش قادر على تنفيذ عملية عسكرية واسعة النطاق في القطاع مع عدم احتمال حدوث ذلك مرحليا
الشعب الفلسطيني في القطاع ونتيجة ما تعرض له من وراء الانقسام الداخلي المقرف وما تلاه من حصار عالمي للقطاع يعيش حالة من اليأس و التعب و الضعف
و في نهاية المطاف ليست هناك قيادة فلسطينة واحدة قادرة على التعاطي مع أي موقف من المواقف السابقة لا بشكل وحدوي و لا بشكل أحادي
سؤالي لكم ( و ببوس اديكم ادهوا الله بالفرج بس حللوا و احكوا رأيكم ) إلى أين يتجه الوضع الفلسطيني في الشهور المقبلة ؟

اخي لكريم المغترب
اول شي طبعا بدعي ربي انه يفك هالكرب عن اهل فلسطين وبالذات اهل غزه لما عانوه ويعانوه في كل دقيقع وثانيه من بؤس
وطبعا بحب اقول انو احنا السبب في الشي اللي اهل غزه بشكل خاص واهل فلسطين بشكل عام بذوقوه ممكن تسال كيف انا بثلك كيف
طبعا لو ما صار اللي صار بغزه وما صار الاخ يقتل اخوه والجار يقتل جاره وبقيه متوحدين ويخافو ع بعض ان كان ما صار اللي صار
ولكن للاسف كان الواحد فيهم يفضل انو تيجي مروحيه اسرائيل تقصف من هو من غير فصيله لمهم انها تريحه منه باي طريقه المهم يبعد عن خدامه
ومش بس هيك لأ كانو يقدمو لسرائيل القاده والافراد سواء من حماس او من فتح ع طبق من فضه
وكأنهم بقولو لاسرائيل ريحي حالك هاليومين واحنا بنقوم بالواجب وبنخلص ع بعض وطبعا هالشي من زمان اسرائيل بتطمحله وبتعمل اله وهو انو نصير ضد بعض نقتل بعض وننسى القدس وفلسطين ويصير همنا طبعا الكراسي ولمنصب

طبعا لكل بعرف انها اسرائيل قادره بقل من ساعه وحده انها تحرق غزه وما تخلي فيها شي
وبلاش نضحك ع بعض مش الصواريخ او خوفها من الصواريخ اللي بتنطلق عليها هي اللي مانعتها
لا لانو اكيد ببلها شي تاني

اما بالنسبه لحماس والتهدئيه وبدها تهدئه وبدهاش تهدئه فطبعا هاد شي بتضحك فيه ع حاله قبل ما انه بتضحك فيه علينا
لانو حماس من يوم ما نزلت ع الانتخابات ونجحت عملت تهدئه كيف
طبعا مش الصواريخ هن اللي كانو يهزو اليهود لا بل العمليات الاستشهاديه اللي حماس من زمان نسيتها
اما السلطه ويا عيني ع السلطه فيه كمان مش عارفه الله وين حاطتها وما في بايدها شي
واهم شي بتقدر تعمله انها توقف ضد حماس وزا حماس حكت اه هي تحكي لا والعكس صحيح
يا اخي الله يكون بعون هالفصائيل اللي عنا يعني عندهم بدل العدو تنين
والله ما في حل غير بتوحد هالشعب ويرجعو للمقاومه ويحطو عقلهم براسهم وينسوا الكراسي والنصب
والله يارب يهونها

اسمحلي لمغترب رجعت مره تانيه ع الموضع لاني شفت قصيده زجليه للاخ صهيب وهي هالوجع جاي فحبيت انها انقلها هون
وهي بالفعل بتوصف بالزبط عمل هنيه والرئيس عباس


دار الزّمـن وِ تْقلّبـت لِسْنيـن
وْ صارت حِكايه أرْضك فْلسطين
راح المَجِدْ مَجْد اْلعَرب يا نـاس
من يومِ سبنا للشَّـرِعْ و الدّيـن
كنّا زَمان اْلنا قُـوى مـع بـاس
لكن مَ معنا بـاس هـذا الحيـن
يمكن بِنكتب للوطـن بِاْحسـاس
وزْن و قَوافـي وْ أروع التلحيـن
لكن مَ ظنّش هالحَكـي مقيـاس
دون الفِعِلْ يا نـاس إحنـا ميـن
هذه القَضيّـه بْتنتسـى وْتنـداس
كان الشَّعِبْ بطرى كما الفلّيـن
هذا الشَّعِبْ لازم مَ يحنـي الـرّاس
رَغْم الوَجع كلّه بِصـرْش يْليـن
وِ اْعرف يَ شعبي للنَّصِرْ فس ساس
دونه مُؤكّـد هالنَّصِـرْ مَ يْبيـن
لازم مَ نتبـع فتنـة اْلـوسـواس
بالتفرِقـة إحنـا اْلعِـدا بنعيـن
غزّه مَ تفرق عـن أَرِضْ طوبـاس
بُرقه مَ تفرق عـن أَرِضْ بوريـن
عجّه مَ تفرق عن أَرِضْ مخمـاس
كلّـن بِقلـبـي زَيِّ جمّاعـيـن
حتّى القَرابـه عرْقهـا دسّـاس
نفْس الهوا نفْس الصَّخِرْ و الطّيـن
يعنـي هَنيّـه بْنسـأل و عبّـاس
محوج تِرشّوا ع اللّهـب بنزيـن
عم تخلِطوا تبْر الشّعِـبْ بِنْحـاس
وِ بْتقسِموا بْهالشعْبِ صاد و سين
واجب تِكونوا للوطـن حـرّاس
بالإتّحـاد اْنتـوا أهِـلْ لِيْميـن
أمّا إذا بْتبقـوا فَتِـحْ وِ حْمـاس
تبقى خَطيّة هالشّعِـبْ و الأرْضْ
برقابِكم لِثنينِ يوم الدّين

بجد جاي على الوجع
المشكلة الحقيقية هي انه أي انسان بدو يبدي رأيه بايجاد حل للمشكلة بقول انه الوحدة هي الحل هلا هاذ الحكي ما في ثنين عاقلين بختلفوا عليه بس السؤال الوحدة من وين بدها تيجي شو مقوماتها حاليا حقيقة هذا سؤال بجنن لانه ما في أي شخصية أو فصيل وطني قادر على البدء ولو بممارسة وحدوية المشكلة انه ورغم كون فتح وحماس مش لحالهم على الساحة في الجبهة الشعبية و الديمقراطية و الجهاد الاسلام وغيرهم السؤال هاي الفصائل وينها من الخلاف شو دورها لما بيطلع عبد الرحيم ملوح في لقاء مع الجزيرة وبأكد أنه ما كلهم دور غير بتقديم مبادرة صادرة عن الشعبية و الديمقراطية و حزب الشعب
طب يا سيدي و ما زبطت هالمبادرة و بعدين بحط رجل عرجل و بتفرج عليهم ولا بعمل مثل ما ملوح و أبو ليلى عملوا ( التفو حول السلطة ) وشو مقالت بقولوا آمين
يعني حقيقة بتنا في حيرة كبيرة و بات الخوف اليوم على القضية الفلسطينية من الانتهاء الكلي هو أكبر هاجس في عقل كل فلسطيني شريف المشكلة انه ما في أي بادرة أمل من أي جهة كانت
أستاذي الصواريخ و كلنا بنعرف انه ما الها هذاك التأثير الحقيقي على الكيان رغم كونه في مخطط لا يزال مطروح لنقل سكان سيدروت نتيجة الصواريخ بس رغم هالشي بنقول انه تأثيرها بضل رمزي
أستاذي في حال عاد أي فصيل لوجيه ضربات صاروخية فهاذ دليل على عودته لخيار المقاومة كخيار استراتيجي بحيث اتكون الصواريخ مجرد شكل من أشكال المقاومة
للأسف حماس و فتح نسيوا شي اسمه عمليات استشهادية و الجبهة الشعبية بعدها بتتغنا باغتيال زيئيفي طب يا سيدي ممتاز و بعدين شو صار اغتلنا زيئيفي راحت اسرائيل
بصراحة بشعر ساعات باني وصلت لمرحلة من اليأس لانه بجد قضيتنا كانت مهدد بمرحلة انيار حاليا هي عم بتعيش مرحلة انيار حقيقي رح يدمرها اذا ما برز أي حل

اول شي مشكور المغترب لمواضيعك الجديه والجميله واللي بتيجي ع الجرح تماما
وانا رأيي متل رأي شوكولاته
والجميع طبعا انو قوتنا بوحدتنا
وطبعا انا منيش شايف ولا فصيل حاليا تفكيرو بهالقضيه وكل همه الاقصى وغزه
لا والله كلهم بفكرو حاليا بالكراسي والفلوس
بتعرف وين المشكله الحقيقيه
انو سواء ع الاخبار او البرامج او اي شي بتنجاب فيه مصيبة هالشعب
بتعرف بكونوا يدوروا ع حل لشو اكيد بتعرف
بكونوا يدوروا ع حل كيف يدخلو ع غزه تموين وغذا
وكأنه مشكلة اهل غزه ومشكلة هالشعب هي انو عندهم حصار وبدهم اكل وتموين وهالحكي
طبعا انا ما بنكر انو هالاشيا كلها اشيا مهمه بل اكثر من مهمه
ولكن يا عمي فكروا بحل المشكله من جذورها
مش التهيتو بهالشي وكانو بطل عنا مشاكل غيرها
لا عنا اقصى جريح
ولا عنا شهداء واسرى بالالوف بس مشكلتنا انو ما بوصلنا غذاء واسرائيل منعه هالشي
وكمان بالنسبه للهدنه وهالشغلات والله كله هذا حكي فاضي
يعني هو قبل ما تنعمل هدنه شو هن كاينين عاملين باسرائيل
هاي اسرائيل بتتخوث علينا ونحنا بنصدق
يعني مهن فصائلنا الموقره هدت وعملت هدنه من زمان ونسيت الجهاد والنضال من يوم ما التهو بلمناصب والكراس
الله يارب يهديهم ويبعد هالغيمه عن الشعب ويهونها ويهديهم اجمعين