منتديات جماعين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات جماعين

اهلا وسهلا ومليون مرحبا نورتوا منتديات جماعين
 
الرئيسيةأحدث الصورالتسجيلدخول

 

 جينا ع الغربي

اذهب الى الأسفل 
كاتب الموضوعرسالة
انطون سابا
جماعيني نشيط
جماعيني نشيط



ذكر
عدد الرسائل : 172
العمر : 74
تاريخ التسجيل : 01/10/2012

جينا ع الغربي  Empty
مُساهمةموضوع: جينا ع الغربي    جينا ع الغربي  I_icon_minitimeالإثنين ديسمبر 02, 2013 7:46 pm

جينا ع بلاد الغربه نحوِّش دولار
لقينا الحالي محتبكي ع حل زرار
كل من عايف أحوالو وقبلا بلاده
وعادات تربي فيها ولو ولو شو صار
000
الواحد تـ حتى ينال الفيزا بيضَلّْ
بباب السفاره محاصر متل المختل
وهات تـ يجي دورو مدري بشهور
كله تـ يعوِّج تاء ويلفظها آر
000
بيحضِّر كذبي يحضِّر شو بده يقول
للقنصل خلف الطاقه بإيده الحلول
وبتكتر حولو شوار ومن هون وهون
وبيكبر همُّو كتير تقولوا اعصار
000
ويل ويل اللي بيتشربك عند السؤال
مين المتكفِّل فيك بكل الأحوال
لو تأتأ غلَّط خلَّط عفس بِـ حرف
بترجع أوراقو ساقط حيفو وياعار
000
لو حظُّو خزَّق فظَّع حصَّل فيزا
اللي بتجي هيك لهَـ الـ مابيعيزا
تاريها علقه معلق فيها كتر القلوق
هم السفر والغربي لأهل وفراق الدار
000
ألعن مشكل تحصيلو حق الناولون
البيغرِّق أهلو وحالو بكترة الديون
مجبور يذلل حالو لهاد وهاد
وطالعلو الدم براسو متل الاعصار
000
مشكل المشاكل جوَّات الطياره
تواليتا غربي عن داير منداره
وعملها أخينا متل ماهو معوَّد
طرطش هرهر ع الأرض وكتر خرار
000
العلقه بتشريف وصولو أرض المطار
مسطول وماهو عارف حولو شوصار
كالأهبل زاغت عينيه من جرونا
مأكد بالهم براسو بيهدّْ حمار
000
صرتوا تعرفوا بقية الحكايي
ومرار المر وبقية الروايي
والركض الليل نهار بخلف الدولار
بيمضى العمر كتشحوطات بصرمايي
000
يعني منهريها نحوِّش سيِّد دولار
والعمر بيطول دلو الحالو تعتار
تعتار اللحَّق وصَّل علَّق لقلق
بيموت يصرِّخ يسأل شوشوشو صار
الرجوع الى أعلى الصفحة اذهب الى الأسفل
 
جينا ع الغربي
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتديات جماعين :: الادب العربي :: ملتقى الزجل والشعر العامي-
انتقل الى: