فيقوا يامصريين

قد ايه كان أملي فيك
والعمر كلو أنا بداريك
ورحت ماسألتش عليا
وهاجرت ربنا يهديك
***
وعدتني ح تعملي ثوره
وأهي حصل لكنها دوره
لعبوها خونه كبار كتار
ولما مالت صبحت عوره
***
عارفه إني عندي عيال
وأميين ماتعلموش الهبال
وكملوا الجهل بمعركة الجمل
بشاوي من جيوب أنذال
***
وعدتني ترفعني ويا اسمي
وازاي صدقتك كده ورسمي
انك ح تعمل حاجات تشرف
وقتلت كام من أولادي بالحزم
***
عيب خليك حمش واعدلها
بلاش منك أولاد تخذلها
وكل واحد عاوزني كون لوه
ووحدو بن الايه مذللها
***
أنا مصر ياشعبي كفايه شغب
ماالفوضى ح توديكو العطب
كل مين بينكم يقول أنا مصري
ولما أعوزه تلقاه فل وهرب
***
أم الدنيا أنا ماهو رضيانه
لكن عليكو بحاله عسرانه
مانكمش الآمنوا ولا الكفروا
رجعوني لعهد كنت الكنانه
***
أنا ياولاد الأم الـ بتناديكو
تنسوا الغفله ارجعوا فيقوا
كفايه غيركو للعلام يديكوا
ع قد ماتكونوا حلوين بهديكو
***
سرحت دموع مصر يامصريين
دموعها عليكو بحزن نازلين
كفكفوا بدموعها كونولها أبدا
الفايزين مصر للمنتصرين