هل تعترف بدولة إسرائيل

موضوعك شيق للنقاش

بس انا برأي كمواطنة فلسطينية بما انو اسرائيل هي المستوطنة ارضنا ومغتصبة لعقيدتنا ومقدساتنا ابدا ابدا ما رح اعترف فيها لا انا ولا اي مواطن فلسطيني خاصة كيف رح نعترف بالدولة الي مقلقة راحتنا واقفة عقبة بطريقنا يتمتت كتيرررر اطفال وقتلت كتير شباب وغيرها وغيرها كتيرررر

بس كمان بحكي ليس باليد حيلة اسرائيل موجودة لا محالة انا ما اعترفت فيها والمواطنين امثالي كمان ما اعترفوا فيها
بس هل هاد يعني انو مو معترف فيها ؟؟
اكيييييييد لا لانو ما رح نأثر بشي ع الساحة الدولية والبقاء للاقوى دائما

يعني امريكا والدول الاوربية معترفة شو ضل ويا ريت وقفت على هالشي بس كمان الدول العربية طبعت العلاقة مع اسرائيل والتعامل التجاري والاقتصادي وحتى الثقافية متبادل ومستورد من العدو الاكبر
لهيك لا نقدر ان ننكر وجود اسرائيل فهي موجودة بالرغم عنا وعن كل شريف في ارجاء المعمورة

وانا بتمنى انها تزول اليوم قبل بكرة لانها خطر كبيرررر ليس فقط على فلسطين بل على جميع الشعوب المشابهة لفلسطين ستدخلها بالتزوير كما دخلت فلسطين بالتخفي وراء ارض الميعاد .........................

حسبنا الله ونعم الوكيل

مشكور صاحبة الامتياز على المرور

ولكن...
قيام هذا الكيان المجرم كان غلطة كبرى والاعتراف به جرم كذلك وخيانة للدين والعروبة ودماء الشهداء ودموع الثكالى والارامل .متى كان لتلك الفئة الفاسدة المفسدة وجود بارض فلسطين .وجودهم نتاج مؤامرة عالمية باخراج صهيوني وصمت وعجز عربي واسلامي مخجل ومخزي .ساقول لا اعتراف بالمجرم وبمحاولت العابثة ان يجعل لنفسه موطا قدم بين دول العالم ...

السلام عليكم

انا في راسي اشي مستحيل يتغير اسرائيل لن تبقى في الارض العربية المحتلة مهم طال الزمان ومهم كانت قوة هذى الكيان والدليل على ذالك حرب تموز الاخيرة حتى اذا كانت الحكومات العربية ضدى المجهدين حرب تموز اثبتت ان اسرائيل على طريق الخروج

الكل يتذكر اول ايام الحرب عداد من الزعماء ( العرب) قالو ان حزب الله مغامرة لا يصتطيع الانتصار على اسرائيل والحمد الله جاء الانتصار على يد %2 من الشباب العربي

في البدية سلام على كل من رفض الاعتراف بذلك الكيان الغاصب المحتل
إن موضوعا كهذا يتشعب لمئة شعبة إن لم نقل أكثر بشرط أن أن الجواب الرئيسي هو الرفض موضوع كهذا حتى نجيب عليه لا بد من معرفة تاريخ دولتنا منذ الحرب العالمية و حتى الانتداب البراطاني ثم هجرة اليهود غير المنظمة مع عدم نسيان اليهود الذي عاشوا في فلسطين منذ القدم و طبيعة علاقتهم بالشعب الفلسطيني المسلم و المسيحي ثم الهجرة المنظمة لليهود من كل دول العالم و معرفة أسباب الهجرة لديهم و العروض التي قدمت لهم و الضغوطات التي تعرضوا لها في بلدانهم الأصلية و سبب هذه الضغوطات ثم نأتي إلى وعد بلفور و اعلان قيام الكيان الغاصب بين قوسين دولة اسرائيل وبعدها نتابع ثورات شعبنا الفلسطيني و ما تسمى بالحروب العربية الاسرائيلية ولا بد لنا أن نتطرق إلى تأثير هذه مجتمعة على هجرة اليهود إلى فلسطين هل كان لها تأثير طردي أم عكسي ............ الخ
لن أقوم بتفصيل كل هذه الأحداث التاريخية فكلنا على دراية بها و بتفاصيلها الدقيقة لنجيب عن وعي و دراية لا عن اعتمادات غيبية أو عصبية بأنه ما من حق لإسرائل في الوجود فهي نظام مستحدث ولا شئ يمكن أن يستحدث من العدم و ان حصل فمصيره الزوال .
النقطة الثانية هي : الاعتراف باسرائيل كخيار مرحلي و خيار استراتيجي
ان اختيار الاعتراف كخيار استراتيجي هو خيانة عظمى قامت بها معظم الدول العربية و على رأسها مصر و المملكة الأردنية
أما الاعتراف باسرائيل كخيار مرحلي بحيث أحصل من خلاله على فترة تهدئة أعيد بها بناء بنيتي التحتية و تجهيز كوادري باتجاه معركة مع العدو حينها يعتبر الأمر تكتيكيا بعيد كل البعد عن الخيانة و أكبر دليل على ذلك أقدمه عبر مجموعة من الأسئلة مع العلم بأنني معارض لأسلو :
هل كان شعبنا الفلسطيني يواجه العدو بما يواجهه به الآن من مجموعة من الصواريخ ذو التأثير السلبي على الكيان ؟
هل كانت جنين قادرة أن تصمد لو حدثت المجزرة في الانتفاضة الأولى ؟
ولو استخدم العدو ربع الاسلحة المستخدمة في انتفاضة الاقصى في الانتفاضة الأولى هل كان يمكن لشعبنا أن يبقى ؟
ما أود الوصول اله هو أن السياسي الحقيقي قادر على قراءة واقع المعركة و فهم موازين القوى فحين يختار السلام كخيار تكتيكي يعيد به بناء قواته فلا يسعني إلا أن أدعوه بالبطل فهو فعليا غير معترف بالكيان كدولة و انما اعتبر الحرب خدعة و استغل كل ما فيها
ثالثا حين يخرج البعض ليثبتوا حق اسرائيل في الوجود فإن اعتمادهم الرئيسي هو التاريخ و التاريخ فحسب وحتى التاريخ هنا يكذبهم فها هم حفروا و لا يزالوا تحت المسجد الاقصى ولم يجدوا لهم أثرا بدون أن أفصل آلية البحث و بعض القطع التي ادعوا بأنها أثر لهم و ما كان لذلك من عواقب عليهم و انقسامات فيهم خاصة في الجانب الديني
موضوع لو كتبت فيه بالتفصيل ما انتهيت ولكنني ابرز جزءا و أترك لكم ابراز الباقي فهذا المنتدى ليس فقط لابنا جماعين أو أبناء فلسطين فقد دلني عليه شاب مصري لم يسجل به و لكن يعرف اسم قريتي إذا فهناك من يقرأ هذا المنتدى و نحن كأعضاء عرب أولا فلسطينيين ثانيا جماعينين ثالثا لابد لنا من نبرز قضيتنا و نوضحها

مستحيللللللل اعترف باسرائيل

شكراا على الموضوع

يبدو أن البعض قد فهم ما كتبت بشكل مختلف ولكنني لم أقصد أنني مؤيد للاعتراف و كما ذكرت فأنا من أشد المعرضين للاعتراف و التطبيع ولكني فعلا من المناضلين ضد التطبيع العلني و غير العلني في الولة التي أقيم بها
و انا عندما تحدثت لم أقصد الاعتراف بمعنى الاعتراف و وضحت ذلك بشكل كبير و بمعان بسيطة جدا
أنا معكم و لا أعرضكم أنا منكم ولم و لن أعترف

موضوع حلو كتير وعجبني
لي رجعه ع هالموضوع لأشرك واكتب رأيي ان شاالله بس هلا مستعجله انا

معلش شوي بس
اسرائيل ليست بدولة و المعترف باسرائيل كرندة ابن كندرة
بس المشكلة مش بالرأي هاذ فأنا متفق جدا معاه و لا أظن إنه في عاقل بعارض هيك موقف بس السؤال هو طريقة التعاطي مع هيك مواضيع فالسؤال هاذ ما بينطرح إلي و إلك و إلك .
فاحنا بالآخر فلسطينية و جوابنا معروف غير هيك أنا و أنته بنحاول قد الامكان انا نبرز وجهة نظرنا بهالمنتدى و نسمح لسوطنا بانه يوصل لاكبر عدد ممكن بس فعليا هيك سؤال من وجهة نظري ما لازم اناقشه بناء على رأينا الشخصي بالكيان لأ لازم اناقشه بالتعبير عن رأينا الشخصي بكل من اعترف ومن لم يعترف بالكيان لانه احنا اذا اعترفنا و اذا ما اعترفنا ما بطلع بإيدنا انغير للكثير مع انه رأينا مهم و انا مسرور جدا باجابات الاعضاء الرافضة للاعتراف بس في أكم من سؤال بجوز اغيروا طريقة النقاش مش طريقة الجواب و هاذ إلي بسعى اله من أول موضوع كتبته هون :
أبو عمار الختيار المناضل الكبير إلي ناضل أكثر من 40 سنه طلع وقال أنا اعترفت بدولة اسرائيل كدولة مجاورة و مستقلة يا ترى حدا منا هون بشكك بوطنية أبو عمار حدا منا بشكك بإنه أبو عمار على الأرض و بشكل فعلي ما كان معترف بالكيان حدى منا بشكك بانه أبو عمار وكتائب شهداء الأقصى التابعة اله بشكل مباشر بفترتها كانلهم الدور الأكبر بكل ما حصل بملحمة جنين ؟؟؟؟؟؟؟؟؟؟؟؟
إذا أبو عمار لعب لعبة سياسية محنكة كسب مها كقائد سياسي و كقائد عسكري عرف قدرة و قدرة حلفاءه على الصعيد العربي و العالمي .
حماس مع احترامنا لك قياداتها من أحمد ياسين لعبد العزيز الرنتيسي انهاء بأصغر مناضل في الحركة ما اعترفت باسرائيل و حملت السلم بالعرض و قالت لا خيار سوى المقاومة بس بصراحة الي بينظر لتجربة حماس و تجربة فتح ( بعهد أبو عمار و أحمد ياسين و الرنتيسي بس بعد هيك خربوا الجوز ) بيكتشف بأنه إلى خدم الشعب الفلسطيني و القضية الفلسطينية أكثر هي فتح هي أبو عمار لأنه اعتبر البندقية غير المسيسة بندقية غير صديقة و بشكل أوضح معادية خاصة و انه موازين القوى مختلفة تماما ما بينا و بين العدو و بالتالي لعب اللعبة السياسية و لعب اللعبة العسكرية بنفس الوقت الي كان أو عمار محاصر فيه بالمقاطعة و بيجري اتصالاته مع العالم بيما فيه الحركات اليسارية إلي بتدعي انها حركات بتدعوا للسلام طلعت آيات الأخرس لتنفذ عمليتها الاستشهادية .
رجائي من الجميع التوجه إلى هذا الأسلوب التحليلي لمجريات تاريخية حصلت على أرض الواقع بدلا من ابداء وجهات نظر مقتضبة مع العلم ولمن لم يفهم ما أردته مما كتبت أعلاه فأنا أثبت رفضي الشخصي بالاعتراف و أثبت بأن الياسر لم يعترف فعليا بالكيان بل الأمر لات يتجاوز كونه لعبة سياسية قد تدر بالمزيد من الأرباح و المكاسب للقضية اذا ما مورست بشكل جيد

السؤال الآن أيهما تؤيد قرار أبو عمار بلعب هذه اللعبة و لماذا أم قرار حماس و غيرها و لماذا ؟؟؟؟؟؟
ولماذا قد ترى بأن أبو عمار اعترف اعتراف حقيقي و كامل و لم يمارس اللعبة السياسية و لم يكن شخصية في السيناريو المرسوم أعلاه ؟؟؟؟؟؟؟؟؟؟؟؟؟؟

اكيد ما بعترف باسرائيل لا انا ولا اي مواطن شريف
بس مو هون المشكله المشكله انو اسرائيل سواء رضينا او ما رضينا هي موجود وموجوده بقوه
لا مو بس هيك المشكله انها من اكتر الدول اللي بحركو العالم
بس المشكله الحقيقيه لازم قائدينا ورؤساءنا العرب اللي ما يعترفو فيها
ولكن ان شالله وبازن الله رح تصغر هالدوله وتاخد حجمها الطبيعي
يعني كل شي خطأ وبني على خطأ الو اخر
وبكفي انو نحنا معنا الله
مشكورين ع الموضوع المهم

كيان وجد بقوة السلاح و بتواطؤ عالمي و عربي للأسف لا يمكن انه يزول بمجرد دعوات ولا يمكن انه يصغر إلا بمقاومة مسيسة وبقيادة فلسطينية مش عربية جربنا العرب ب 1967 و ب 1973 و بغيرهم كثير و طلعو مجرد كذبة مش أكثر
بس سؤالي للأخت عروبة كون هاذ الكيان موجود و كونا كلنا مؤمنين بدمار هاذ الكيان شو المؤشرات إلي بتشيفيها بتدل على انتهاء هاذ الكيان و شو توقعاتك لوضع هاذ الكيان في المستقبل القريب خاصة و انا أمام صراع داخلي مرير للأسف كل ماله في تزايد و انا كمان أمام مواجهة و شيكة محتملة بين المقاومة الاسلامية في لبنان ( حزب الله ) و القيادة السورية من طرف و الجيش الاسرائيلي من طرف آخر و خاصة إذا أخذنا بعين الاعتبار نتائج حرب تموز إلي أسفرت على أقل تقدير و بدون ما نعطي المقاومة حقها لتدمير أكبر لوائين مشاة في الجيش الاسرائيلي
فما مستقبلنا المرتبط بمستقبل هذا الكيان في ظل الظروف المقبلة

اكيد ما بعترف فيها لانو الدوله اذا بدها تصير دوله ما بتصير بالقوه والقتل والذبح لاوم يكون هاي الارض ارضها لتتكون دولتها بس هاي الارض لفلسطين وهاي دولتنا فلسطين مش دولة اسرائيل

وانشاء الله بتتحرر وبطلعو الصهيونيه منها

مشكورين على الاراء ووجهات النظر
الي اغلبها اذا مو كلها لا تؤيد الاعتراف بإسرائيل
لكن السوال :
ليش معظم المسؤولين او الرؤساء على مستوى الوطن العربي بشكل عام وفلسطين بشكل خاص يعترفون بإسرائيل؟

أعتقد بأنني قد أجبت على سؤالك بشكل جزئيا في مشاركاتي السابقة حول هذا الموضوع
سؤالك لماذا اعترف قادة فلسطين بالكيان قبل أن أعيد صياغة إجابتي عليه علينا أن نعلم من هم القادة الحقيقيون للشعب الفلسطيني سابقا و حاليا وما هي مواقفهم :
الرئيس الشهيد القائد أبو عمار :
كنت قد تناولت رأيه و عبرت عنه بأنه لم يعترف و إنما مارس لعبة سياسية أدرت بالمكاسبة على القضية أما في الواقع فهو لم يعترف
الرفيق القائد جورج حبش :
مواقفه معروفة عارض و رفض الاعتراف و لم يمارس الاعتراف لا كسياسة و لا غير ذلك
الشهيد القائد أحمد ياسين :
موقفه متشدد جدا تجاه هذا الموضوع ولم يعترف
الرفيق القائد نايف حواتمة :
رفض الاعتراف
الرفيق القائد أحمد سعدات و الرفيق أبو علي مصطفى رفضوا الاعتراف
أما أبو مازن و هنية و مشعل و غيرهم فإن اعتبرناهم قادة فهم مثل القادة العرب الراضخين تحت ضغوط العدو مقابل المال و المنصب

مغترب كتب:

كيان وجد بقوة السلاح و بتواطؤ عالمي و عربي للأسف لا يمكن انه يزول بمجرد دعوات ولا يمكن انه يصغر إلا بمقاومة مسيسة وبقيادة فلسطينية مش عربية جربنا العرب ب 1967 و ب 1973 و بغيرهم كثير و طلعو مجرد كذبة مش أكثر
بس سؤالي للأخت عروبة كون هاذ الكيان موجود و كونا كلنا مؤمنين بدمار هاذ الكيان شو المؤشرات إلي بتشيفيها بتدل على انتهاء هاذ الكيان و شو توقعاتك لوضع هاذ الكيان في المستقبل القريب خاصة و انا أمام صراع داخلي مرير للأسف كل ماله في تزايد و انا كمان أمام مواجهة و شيكة محتملة بين المقاومة الاسلامية في لبنان ( حزب الله ) و القيادة السورية من طرف و الجيش الاسرائيلي من طرف آخر و خاصة إذا أخذنا بعين الاعتبار نتائج حرب تموز إلي أسفرت على أقل تقدير و بدون ما نعطي المقاومة حقها لتدمير أكبر لوائين مشاة في الجيش الاسرائيلي
فما مستقبلنا المرتبط بمستقبل هذا الكيان في ظل الظروف المقبلة

بالنسبه لسؤالك اخ مغترب فالاجابه اللي عندو هو انو فقط ربنا حاليا اللي بقدر عليها لاسرائل
واحنا ما النا غير الدعاء والعمل الكويس
بس اكيد هاد ما بعني انو نحط ايد ع ايد ونقعد نستنى معجزه لتصير
لأ لازم انو نعمل ونتحد ونكون ايد وحده لنتخلص من هالكيان الصهيوني ونحارب الخطأ والله انو محاربتنا للشي المو كويس اهم من انو نحارب اسرائيل
وطبعا ما بننسى انو لازم نتحد لنوقف بوجه اسرائل ونكون كلنا سوا عليها مو نكون معها ونقاتل بعض ونحققلها مرادها ونقضي ع وحدتنا
وان شالله يتحقق الحلم والله كريم

مشعل وهنية للمنصب والمال ومن العدو كمان !!!!هذه معلومة جديدة
بس ممكن اعرف شو المنصب الي شاغله مشعل في رئاسة الدولة وبدو عليه مال من اسرائيل؟؟؟
وهنية من وين بدو المال من اسرائيل
الله مغنيهم يا اخ مغترب
بس ابو مازن انا معك انو هو راضخ للعدو وشغاله عندهم مية بالمية بس بحاول يحكي للشعب انو ضد اسرائيل بس لعبة مكشوفة.
وعن ابو عمار بتقدر تحكيلي شو المصالح الي جابها للقضية
وانو ما عترف في اسرائيل وشو بتسمي الاجتماعات الي كان يعملها معهم
لعبة سياسية
بس النتائج الي انت بتحكي عنها ما بينت لحدا
احكيلنا عن هذه النتائج؟اذا ممكن

طبعا ممكن نحكي جدا عن انجازات ابو عمار الي بيعرفها العالم والي كان في منها اشياء لسا سرية ابو عمار لما قامت الانتفاضة الثانية كان صرله موقع على اوسلو 10 سنين طيب خلال العشر سنين طلعت اسرائيل توقف الاعتقالات انتهى القتل أكيد لأ بس بنسب قليلة جدا خلال هاي الفترة من الهدوء النسبي الحذر اتأسست بنية تحتية واتأسست بنية عسكرة متمثلة بكتائب شهداء الأقصى إلى كانت تابعة بشكل شبه مباشر اذا ما كان مباشر لأبو عمار شخصيا والي شفنا كلنا دورها البطولي في الانتفاضة الثانية وخاصة بمجزرة جنين أو على الأحرى الملحمة البطولية إلي حصلت بجنين حماس يا سيدي العزيز حماس نفسها شو كانت خلال الانتفاضة الاولى شو كان سلاحها وقديش كان حجمها كيف حماس استطاعت توصل لانها اتحارب اسرائيل بصواريخ القسام من بدايات الانتفاضة الثانية لولا انه وبسبب الهدنة انسمحلها تشتغل وتتوسع خاصة في قطاع غزة بعدين يا عزيزي لما نفذت الجبهة الشعبية عملية اغتيال وزير السياحة زئيفي صدر قرار من القيادة العسكرية الاسرائيلية لتصفية سعدات الي حصل وما حصل من فراغ ولولا العلاقات و الهدنة و البطيخ ما كان أبو عمار قادر انه يحبس أحمد سعدات
إلي زوجته ورجاله و الجبهة الشعبية العقلاء فيها بقولو انه اعتقال أبو عمار لسعدات كان حماية اله ورح تتأكد من هالشي لو تقرأ أكثر حول الموضوع انا هون بس رح أحط رؤوس أقلام وتوسع حضرتك خلال فترة الهدنة و بداية الانتفاضة و بنقدر نحكي لحد ما استشهد أبو عمار كان في حرب إعلامية و على مستوى العالم عمال تنشن ضد الاعلام الاميركي و الاسرائيلي مش عبر قناة فلسطين رغم انه كان دورها موجود ولو انه صغير ولكن كان في قنوات حوار حول العالم لو استطاع خلفاء عرفات فهمها و التعامل معها بشكل صحيح أقل شي كنا رح نسمع هلا صوت حقيقي من جهات مسؤولة بقول لأ لحصار غزة مش بسفينة و ثنتين فيهن أكم من نائب .
أستاذي العزيز أبو عمار شخصية مناضلة وكبيرة و أي شخصية من هالنوع مية بالمية رح اكنلها سلبياتها و ايجابياتها الي بنتفق معاه فيها و الي بنختلف معاه فيها أهم شي انه حتى لو كنا تابعين لفصيل و أنا تابع أيا كان هالفصيل مع العلم أن ما بمت لفتح بصلة بس المهم انا نقرأ نقرأ صح ونفهم موازين القوى مع العدو وعرف كيف ممكن نوصل هدفنا فصيلي و فصيل وكل الفصائل فيها ايجابياتها وسلبياتها و الي بحكي مسؤولي عن شخص او موقف مش كلام منزل من الذات الالهية ممكن اكون صح وممكن اكون غلط دوري ودورك انه ما نكون آلة تلقي بيانات بس لأ و نكون آلة تحليل بيانات ونخلي مخنا ادور ويقرأ و تابع و أهم شي ما نحكم على أي انسان من تصرف أو ثنين خاصة إذا كانت حياة حافلة زي أبو عمار بالنضال و النجازات .
أما بالنسبة للاخوة الاعزاء القادة المبجلين السيد الرئيس مع قليل الاحترام محمود عباس و السيد دحلان و هنية و مشعل و الرجوب و عبد الرحيم ملوح و غيرهم ولاحظ انه ذكرت من أكبر 3 فصائل مش من فصيل واحد فيا أستاذي مش لازم هنية و مشعل اكون تعون مناصب ومال لحتى اكونوا سبب ضرر للشعب و القضية استاذي الانسان الي بيسمح لنفسه انه ادمر قضية مثل قضيتنا باقتتال داخلي هاذ انسان يا عميل يا غبي وبرجح الثانية لهنية ومشعل لا تقلي هاذ بلش و هاذاك عمل مش بطوشة ولاد صغار احنا احنا مام مصلحة وطنية الخلاف ما بين فتح وحماس موجود من زمن الخلاف ما بين البس و الفار ليش يا ترى هاي الخلافات ما كانت تظهر بشكل جلي و واضح خلال وجود الشهيد الشيخ المناضل أحمد ياسين و الشهيد عبد العزيز الرنتيسي وظهرت هلا ، فتح اتمادت ما عاد في مجال لما بعمل عمله بحسب تداعياتها انا أجزم بانه قيادات السلطة بما فيهم أبو مازن راض ان لم يكن متواطئ في حصار غزة وانت يا عمي مش لحالك بغزة عندك شعب السؤال انا عندي القدرة افك الحصار جوابك معروف شعارات وخطب رنانة بدون اي مخطط الصمود و التحدي و باصرار شعبنا و انا و الناس بنسفق و بعدين استاذي من وراء الخلاف الداخلي و القتتال احنا ضيعنا فرصة لا تصدق اثناء حرب تموز كان ممكن نفتح جبهة جنوبية مع العدو تربك قواته و تسمح للحزب في لبنان انه يتحرك بشكل أوسع بس مصالحي كفتح و مصالحي كحماس فوق هيك قصص لانه ابن فتح قتل ابن عمي أي بكفي بفترة أحمد ياسين كانت سلاسل العمليات تحصل في عمق الكيان ممكن أعرف أكبر عملية حصلت من يوم ما استلم هنية و مشعل صواريخ اتصاوب فيها أربعة ما بقلل منها بس العمليت هذيك كان اروح فيها 20 رح تقلي اسرائيل مسكره و الوضع زفت تمام برجع لاول نقطة ليش ما كان التسكير زي هلا زمان لانه كان في اتفاق وكانت فتح مستلمة ولو شوي واكنت تسمح وساعد بمرور المناضلين و الاستشهاديين انا طلعت من هاي القة بس حاول اتعمق في هاذ الموضوع بالذات و اذا بدك راسلني على الخاص اذا الحسم العسكري بغزة كان عمل غبي لانه أي عمل عسكري لازم اكون في من وراه مكسب وين المكسب حصار اقتصادي تضييق عسكر خانق وين المكسب أستاذي قضيتنا حساسة لدرجة كبيرة ما بتتحمل نحكي فيها أنا من فتح و انا من حماس و انا من الخرا في مصلحة وطنية هي الاساس استاذي مثل ما حكيت العمل اي بضيق علي و بضر قضيتي ما بدي اياه وما بدي الي عمله لانه مثل ما حكيت يا غبي يا عمل وبرجح الثانية لقيادات حماس و الأولى للسلطة ولا في سياسي عاقل بيطلع بخطاب مصالحة مع انه ما كان خطاب مصالحة مع العدو اقول فيها اعطوني هدنة 10 سنين و بعدين بنورجيكم عملها هنية سؤالي هاذ سياسي ولا بمت للسياسة بصلة يا رجل الي المفروض نفهموا انا قضيتنا بلشت تقترب من الانهيار ومعلش القضية و الشعب الصامد شعب الجبارين الشعب المغوار قضيتوا رح تنمحي اذا استمر الوضع على ما هو عليه اذا استمرت حماس وفتح بمواقفهم بدون ما حدا يدخل استاذي أحمد ياسين و عبد العزيز الرنتيسي و أبو عمار و جورج حبش راحوا ماتوا ما بدنا اناديلهم وانقلهم اطلعو شوفوا حالتنا زي ما بعمل العرب لصلاح الدين بس على الأقل نمشي على نهجهم الي مهما اختلف بحافظ على المصلحة الوطنية العليا فوق كل شي
بكفينا حماس وفتح معلش و اتحملني في مثل فلسطيني بقولك ( الكخ أخو الخرا ) و هاذ الي صاير هلا بفتح وحماس
أنا ياخي مش جهاد و ما بمت للجهاد بصلة وما بهمني مين داعم الجهاد بس الجهاد الاسلامي أثبت وطنيته بعز الاقتتال الداخلي بعز الأزمات الداخلية نفذ عملية بإيلات إلي كل العرب ما وصلوها بعد ما وصلها عبد الناصر
أستاذي فتح سفلة عملاء عاطلين وبدي اماشيك وقلك كلهم مع انه لا فتح لسا فيها شرفا مش بالقيادة طبعا بس الجبهة العبية الي هاجمتها فتح بمخيم العين و هاجمتها حماس بغزة هاي يبدو انها تابعة للموساد مشان هيك فتح و حماس رغم خلافهم اتعاونوا عليها ولو بشكل غير مباشر يا عمي ما شفت اخبار انت وما شفت كم اشتباك صار مع الجهاد الاسلامي من حماس ما شفت فتح كيف اعتقلتهم و لا الجبهة موساد الجهاد الاسلامي شباك ولا تقلي زي السياسيين انه علاقة الجهاد الاسلامي مع حماس على ما يرام اذكرلك كم من اشتباك وين وكيف برضه يا بدور لحالك يا راجعني على الخاص
يا اخي تعبنا يا اخي قضيتنا بخطر بجد قضيتنا بخطر عيب اقول انا ابن فتح وانت ابن جبهة و هذاك ابن حماس عيب عيب
و الله يستر من الي جاي
ضروري تراجعيني على الخاص اذا بدك اي تفصيل ولو كان دقيق حول اي موضوع وبتمنا انه نقاشنا اكون مثمر و يستمر هون

بالنسبة لموضوع من سمح بقيام الكيان الغاصب على أرض فلسطين وما العوامل التي ساعدت على وجوده فهي كثيرة جدا فبعد زوال ما كانت تسمى بالدولة العثمانية ونهاية الحرب العالمية كان العالم العربي قد وصل لي مرحلة كبرى من الدمار بعد مجموعة من النكسات بدأت منذ أن أصبحت الخلافة وراثية في عهد الدولة الأموية إذا فموقف وحالة العرب حينها كان طبيعيا بعد مجموعة كبيرة من الهزائم و النكبات في ظل عدم وجود قيادة حقيقية لأي قطر عرب و في ظل غياب قيادات وطنية شعبية أو حتى دينية كما أن لقيام الكيان الصهيوني أسباب كثيرة تتعلق بمصالح بريطانية و أمريكية بشكل مباشر فبريطانيا كانت قد بدأت تفقد سطوتها كإمبراطورية و قوى عظمى في العالم وكان في أوروبا من يرغب في التخلص من السطوية الاقتصادية لليهود كما أن الاستخبارات الأمريكية كان لها دورها الكبير في محاولة منها لازالة الوجود البريطاني من منطقة ذو حساسية بهذا الحجم منطقة تربط القارات الثلاث و تفصل ما بين أقطار الوطن العربي فبدأت الهجرة غير المباشرة لليهود نحو فلسطين في تلك اللحظات كانت معظم الأقطار العربية اما خاضعة لانتداب أو استعمار قد تخلصت منه منذ فترة بسيطة جدا مما يعني أنها تعيش في طل أزمة داخلية هذا ان اسقطنا الضغوطات و التدخلات الخارجية وقام الكيان و أعلنت الدولت في ظل ضعف عربي داخلي وخارجي منع الجميع من التحرك
بشكل غبي جدا و بدور ساعدت أميركا فيه العرب بشكل غير مقصود سمحت و ساهمت في انجاح انقلاب الضباط الأحرار في مصر و ابعاد الملك فاروق فالولايات المتحدة هنا كان لها دور استخباراتي في منع تدخل الجيش البريطاني المرابط على قناة السويس لحماية الملك من هذه اللحظة يمكننا أن نقول بأن مرحلة جديدة قد بدأت
عبد الناصر ومن لا يعرف عبد الناصر ذلك القومي العربي الذي وقف بكل ما يملك وما لايملك إلى جانب الشعب الفلسطيني فهو مساهم بشكل كبير في بناء قوة حركة فتح وساهم كذلك في بناء و تقوية ودعم حركة القوميين العرب ( الجبهة الشعبية ) عبد الناصر رجل لم تنجب الأمة له مثيلا ونأمل أن تنجبه مرة أخرى قريبا
عبد الناصر وبكل قوته ووطنية و قوميته لم يستطع تغيير الكثير فدول الطوق المحيطة بفلسطين كانت محكومة بقيادات لا تمت لعبد الناصر بصلة خاصة الأردن التي عانت ولا زالت من الحكم الملكي الهاشمي الذي كان له دور كبير في افشال مخططات عبد الناصر القومية ( ربما قتل على أيديهم ) و كان له دوره اللا محدود في اضعاف فصائل المقاومة الفلسطينية هنا وحينما أعلن النظام الاردني حربه على منظمة التحرير كان هناك اتفاق فلسطيني عراقي بأن يتدخل العراق للدفاع عن المنظمة فلم يفعل لكن شقيقة البعثي الآخر المرابط في سوريا بدأ بالتدخل فزج بقواته للمعركة ولكن وزير الدفاع حافظ الأسد آنذاك لم يساند قواته و قوات منظمة التحرير البرية بأي حركة عسكرية جوية مما أدى إلى الخسارة

لقد بدأت بسرد أحداث تاريخية أعرفها و تعرفونها فأعتذر و اترك اكمال هذه الاحداث لغيري

اكيد ما بعترف باسرائل
ولا اي شخص شريف بعترف باسرائيل على الرغم من انها كابسه ع نفسنا
وموجوده حتى بالهوا اللي بنتنفسو والمي اللي بنشربها
مشكورين ع النقاش المميز