مفارقات عجيبه غريبه

قالت لجارها :
هاتلي نملي بتسحب فيل
لأهديك الميي بسلي
أو نملي تدحرج للبرميل
بهديك ميي تشفي العلي
أو نملي تغني للتعليل
أو نملي قادره تصلي أ
و هات خود حط شيل
ولو كنت مابتصلي
حتما أبدا حكما عرفا
مالك م جهنم فلي
***
قال لها :
حبيني بقصد الجوازي
لـ نخلف أولاد العازي
ولندهدر بشي هوازي
ومصروفنا يكون موازي
خلي خطواتك هزازي
وللستر خليك محازي
لما
روايحك تبقى شمازي
***
ردت عليه :
حل عني وطق وموت
يلبقلك تاخد نبوت
حاجي تطلع خاجي تفوت
نحنا بس بنات بيوت
مالازملي يابرغوت
أنا كتكوتي وأنت حوت
***
قال :
ولك حبيتك أنا حبيتك
خلي بيتي يصير بيتك
لحط خبزي ع زيتك
وعشرطعشر مسخ نخلف
وحياة من خلفوكي حبيتك
***
تتهزأه :
ع الفقر أيام زمان
الجوازي كانت بالعرفان
لتخليف ولاد كتار
للفقر يكون شي حرزان
بـ ع دقي عصري كل ساعه
بفقر ونقر وديدبان
ومن قريبو الشح وكتر
نقار البنات عراك الصبيان
وبعدنا متل السطلان
بالسقا الله أيام زمان
يعني عقلنا كان خربان
***
رد يهزأ بها :
لستي وجدي أيام زمان
هرهرو بنات وصبيان
لو حبوا أو ماحبوا
الجازي كانت بالعرفان
يعني ماكان يشوفا
قبل الدخلي كان وكان
والـ حظه معتر وعدمان
أو مثلا متل السعدان
أو عروسه كالقردان
كانوا يرضو بالنصيب
وكله كان بماضي الزمان
وسقا الله هاك الزمان
سقا الله هاك الزمان