أمثال فلسطينية

خواتي واخواني أنا واعوذ بالله من كلمة انا عم احاول اجمع امثال شعبية يمكن صار عندي 90 مثل فلو سمحتوا اذا في حدى فيكم بعرف مجموعة امثال يبعثلي اياها والكم جزيل الشكر
واطلب منكم السموحة ......

انشالله زهرة جماعين اول ما ازكر شي مثل بكتبلك اياه...

بكون مشكور الك ......

اختي زهرة حماعين في موضوع بالمنتدى عن الامثال الشعبيه بتقدري تستفيدي منو

https://jammaien.hooxs.com/montada-f5/topic-t16.htm

أمثال شعبية فلسطينية

/////\\\\\
7777777
777777
77777
7777
777
77
7
7777777
777777
77777
7777
777
77
7

القيم الاسلامية

ذنبك على جنبك
يا غافل الك الله
الدنيا بتغنيش عن الآخرة
الشكوى لغير الله مذلة
اللي ما لو أب الو رب
قلب المؤمن دليله
كل عقدة والها عند الكريم حّلال
اللي بيحبه ربه ... بيحبب فيه خلقه
أنت تريد وأنا أريد والله يفعل ما يريد
العبد في التفكير والرب في التدبير

|||
|||
7777
777
77
7
القضاء و القدر

الخيرة فيما اختاره الله
الحذر لا يمنع القدر
بيرمي حاله على الحيطان وبيقول يا قضا الرحمن
اللي على الجبين لازم تشوفه العين

|||
|||
7777
777
77
7
القسمة و النصيب

بتكون في تمك وبتقسم لغيرك
كل شيء قسمة ونصيب
ربك رب العطا ، يعطي البرد على قد الغطا
مش لمين سمى ... لمين قسم
تيجي على أهون سبايب
استعنى ع الشقا بالله
اسعى يا عبدي وانا بسعى معاك
كلمة يا ريت عمرها ما عمرت بيت
اللي الك اللك واللي مش الك محرم عليك
كل شيء بالأمل ... الا الرزق بالعمل
اللي ما يطعمك ويسقيك ... لا يموتك ولا يحييك
لو تجري جري الوحوش ، غير رزقك ما بتحوش

|||
|||
7777
777
77
7
الأمانة و السر

اكتم سرك تملك أمرك
هي أمانة ولا خوانه
من أمنك لا تخونه لو كنت خاين
خود أسرارهم من صغارهم

|||
|||
7777
777
77
7
السياسة

دوام الحال من المحال
خلي للصلح مطرح
السياسة ما الها دين
المنايا ولا الدنايا
الف قلبه ولا غلبه
شو بال عكا من هدير البحر
حلاوة اللسان عز بلا رجال
قبل ما تفصل قيس
كلمة بت ولا عشرة لت
الزايد أخو الناقص
اللي ما بييجي معك تعال معه
اللي تغلب به العب به
احسب العاطلة قبل المليحة
امشي عدل توصل بدري
زلة القدم ولا زلة اللسان
العجلة من الشيطان
مد عينك قبل ما تمد رجلك
العدو عدو لو اطعميه حلاوة
افطر بعدوك قبل ما يتغدى فيك
عقلي في راسي بعرف خلاصي
المستعجل ما بيسوق جمال
لا تذم ولا تشكر الا بعد ستة أشهر
عدو جدك ما بودك لو عبدته مثل ربك
عمر العدو ما بصير حبيب ولا فرخ الحية بيخط في العب
التحضير في الراس مش في الكراس

|||
|||
7777
777
77
7
النباتات

قمحة والا شعيرة؟
البلح حلاوة بلا نار
رز الفقير برغل
الشعير للبعير
النوم تحت الخروب غير مرغوب
زي قرن الخروب
وجهك بيقطع الخميرة من اللقان
الطول طول النخلة والعقل عقل سخلة
اللي مالوش خميرة ... ما يخمرلوش عجين
الحكاية مش حكاية رمانة هادي قلوب مليانه
اللي بيتبعتر طحينه في الشوك يصعب عليه لمه
كول جميز واشرب ميه ... وايش ما جرالك عليه

|||
|||
7777
777
77
7
الأرقام - أيام الأسبوع

خمسة وخميسة
السبعة مسبوعة
عمل السبعة وذمتها
خمسة في عين الشيطان
سبع صنايع والبخت ضايع
النبي وصى على سابع جار
عيلة السبعة ما الهاش شبعة
بده من الدواق سبعه واق
ابن الأربعين من الكاملين
يا ناصر الستة على الستين
الأربعينية يا شمس تحرق يا مطر تغرق
فتش بيتك سبع مرات قبل ما تخون جارك
بنت الأربعين ذات بنات وبنين
بعد الأربعين يا رب تعين
من عاشر القوم أربعين يوم صار منهم
احذر النساء قبل العشرين واتركهم بعد الأربعين
عيار الشبعان أربعين لقمة
المرأة بتحب يوم وبتكره أربعين يوم
الهنا لسنه والنفسه للأربعين
يخلق من الشبه أربعين
يوم الاثنين بيزيد مرتين
الأحد بيحد الشر
يوم الخميس فصل لحبيبك قميص
يوم الثلاثا يا حرق يا وراته
ان كان عليك الفين لا تغسل يوم الاثنين
الجمعه جامعه والدواعي فيها سامعة

|||
|||
7777
777
77
7
الطمع و الأنانية

أبو عين فارغة
الطمع فرق ما جمع
العب وحدك ترجع راضي
بياكلوا وبينكروا
يا روح ما بعدك روح
من حب نفسه كرهته جماعته
شربة من برة بتوفر الجره
عند البطون بتغيب الذهون
استكبرها ولو كانت عجره
كولها نية قبل ما غيرك يوكلها مستوية
عندك عيش وعندي عيش وفراغة العين ليش ؟؟
زي الجدي اليتيم بيرضع كل الغنمات وبيبات يطرق

|||
|||
7777
777
77
7
الزمن

الدنيا دولاب
الزمن غدار
الله يحيينا ويورينا
الدنيا فانية
الي فات مات
يوم عسل وبصل
كل شيء بأوانه
من ايده لتمه
كل وقت واعطيه وقته
المتغطي بالزمن عريان
التدبير نص المعيشة
اللي بتزرعه بتلاقيه
بعد ما شاب ودوه الكتاب
ربنا بيقطعش رزق حد
عشيني اليوم وموتني بكره
اللي من نصيبك بيصيبك
قرش الصبا وابن الصبا بتعوضش
فش اشي بيستحي من أوانه
بكره بتنشف البركة وبتبين الضفادع
القرش الأبيض بينفع في اليوم الأسود
الزمان والنسوان ما الهم أمان
انقلب الزمان وأصبح القمح زوان
يوم الك ويوم عليك دير بالك فتح عينيك

|||
|||
7777
777
77
7
المأكولات

العز للرز والبرغل شنق حاله
خزين الصيف بينفع في الشتا
خبز وزيتون أحسن ما يكون
خبز وماء أكل العلماء
كول زيت وانطح الحيط
عمارة البيت خبز وزيت
الله يلعن الدرة اللي ماالهاش عرق
الزيت مسامير العصب
كول فول والحق القفول
كول العدس تفوت الفرس
ان كان الخبز في البيت فرحت انا وغنيت
الفشر والنشر والعشا خبيزة
رز ولبن عافية ع البدن
الدهن في العتاقي
لا توري جوزك طبيخ الخضر ولا لحم البقر
ادلقي يا ملوخية في الزبادي العوج
في آب كول العنب ولا تهاب
لحم الهرش ما بيوسى قرش
فتح عينك تاكل ملبن
زي الملبن
كول أول العنب وآخر التين
ضرب الحبيب زي أكل الزبيب
الرمان بيملى القلب ايمان
شتي ع البرتقال وصيف ع العنب
الضيف المشوم بعد الأكل بيقوم
طول ما الكيس مليان تكتر الخلان
اللي بيستكتر غموسه بياكل حاف
يوم عسل ويوم بصل
الرايب للحبايب، والزبدة للنسايب، والميص للمتاعيس
المغرفة عايرت الدست ، قال كلنا ولاد طبيخ
أيام عنبك وتينك تكتر محبينك، وأيام قشله ونشله ما حدا يعينك

|||
|||
7777
777
77
7
مقاييس الجمال

بتقوم للقمر قوم تاقعد مكانك
خود المليح واستريح
تمها خاتم سليمان
سنانها زي اللولو
زينة الزين، الحاجب والعين
عنقها زي عنق الغزال
خدها بيضة ولو انها مجنونة
سمره ونغشه، ولا بيضة ودفشة
زينة الزين الحاجب والعين
اللي بياضه ما هو من ربه ، يا رب تعب قلبه
لا انت أحمر مني خد، ولا أحسن مني جد
من ملك عينه وسنه ملك الحسن كله
الطويلة طالت التينة والقصيرة ظلت حزينة
خود الحلو واقعد قباله ، وان جعت شاهد جماله
البشع بشع لو تغسل كل يوم، والحلو حلو لو فاق من النوم
ان كانت يبضة من بختك، وان كانت سمرة زي امك واختك
صهرك سند ضهرك
خود الأصيلة لو كانت ع الحصيرة
العرق بيمد لسابع جد
زينة البنات لا توخد، خود الأصيلة
الصبي لخاله والبنت لعمتها
البنت المربية، دهب مخبية
بنت الرجال ما بتستحي من الرجال
البنت الحرة، زي الدهب في الصرة
العقل زينة واللي بلاه حزينة
كون نسيب ولا تكون قريب
الندل لا تاخد منه ولا تعطيه
اللي ما بيقدر ع الحرة وعليقها يروح من طريقها

|||
|||
7777
777
77
7
المعايير الأخلاقية و الأصالة

صهرك سند ضهرك
خود الأصيلة لو كانت ع الحصيرة
العرق بيمد لسابع جد
زينة البنات لا توخد، خود الأصيلة
الصبي لخاله والبنت لعمتها
البنت المربية، دهب مخبية
بنت الرجال ما بتستحي من الرجال
البنت الحرة، زي الدهب في الصرة
العقل زينة واللي بلاه حزينة
كون نسيب ولا تكون قريب
الندل لا تاخد منه ولا تعطيه
اللي ما بيقدر ع الحرة وعليقها يروح من طريقها

|||
|||
7777
777
77
7
الغنى و الفقر

القرش عمره ما غطى الشرش
بنات الموضة كل عشرة ببيضة
يا ماخد القرد على ماله، يروح المال ويبقى القرد على حاله
أرملة غنية أحسن من حمولة مهرية
7777
777
77
7
الضيف

الجود بالموجود
الجود جهود
لاقيني ولا تغديني
الدنيا سداد ودين
الكشرة طرد للضيف
البادي بالكرم أكرم
ضيف وفي ايدو سيف
الضيف أسير المحلي
اعزم واكرم والأكل نصيب
لقمة هنية بتكفي ميه
بارك الله فيمن زار وخفف
بين عذرك ولا تبين بخلك
بصلة المحب للمحب خروف
أطعم التم تستحي العين
من قدم السبت لاقى الحد قدامه
ان كان مالك رايح زيده ملايح
بيت السبع ما بخلاش من العظام
اللي في القدرة بطولة المغرفة
يا جاي بلا عزيمة يا قليل القيمة
اذا ضربت أوجع واذا أطعمت أشبع

السلام عليكم :
شكرا الك كثيييييييييييييير salah addin

العفووووووووو يا زهره

ارسلت لكي رابط تلاقيها بالرسايل

وخذي هذي كمان واسف اذا فيها تكرار

أمثال شعبية فلسطينية

إبعد عن الشر و غنيله

إذا انت أمير و أنا أميرمين بيسوق الحمير

أكثر من الهم ع القلب

إن عاشرت عاشر أمير وإن إلبست البس حرير و إن عيروك بشي يكون يحرز التعيير

إن كبر إبنك خاويه

إجا مين يعرفك يا بلوط

إجو ليحدوا الخيل مد الفار رجله

إضحك بعبك

إطعم التم تستحي العين

أكل الهدية وكسر الزبدية

أهل الميت صبروا والمعزيات كفروا

أوعد اليهودي بالكفن بيموت

آخر العنقود سكر معقود

آخر الزمر طوط

آخر الدوا الكي

إبنه على كتفه و بيفتش عليه

إبنك على ما ربيتيه و جوزك على ما عودتيه

بتقول له ثور بقول احلبوه

بدل الرز و الباذنجان إكسي حالك يا عريان

بده عرس يرقص فيه

بدي ياه و تفوه عليه

بزمان الخير ما غنينا يا ليل

بطيختين بإيد مابينحملوش

بعد ما شاب ودوه ع الكتاب

البيت ضيق والحمار رفاص

بيتعلم البيطرة بحمير النوَر

بيحرق حارة ليولع سيجارة

بيرقص بلا دف

بيركض بيركض والعشا خبيزة

بيفصل للبرغوت قميص

بيقتل القتيل وبيمشي بجنازته

بيلهي الحمار عن عليقه

بيمسح جوخ

بيموت الزمار و اصبعه بيلعب

تاجرنا بالكفان بطلت الناس تموت

تسمع صوته و تقول نيالك يا أطرش

التكرار بيعلم الحمار

تلاتة مابينطاقوا : الطق والنق والبق

جبنا الأقرع ليونسنا كشف طقيته و خوفنا

حاميها حراميها

حايص متل جاجة بدها تبيض

حط راسك بين الروس و قول يا قطاع الروس

خليها بالقلب تجرح و لا بين الناس تفضح

الدار دار أبونا و اجوا الغرب يطحونا

دمه تقيل متل دم البق

الدنيا ما بتخلي الراكب راكب ولا الماشي ماشي

راح العيد وفرحاته واجا المعلم وقتلاته

الرجال مش شكلة لتحطيه ع راسك

رجعت حليمة لعادتها القديمة

رخيِّص وكويِّس وإبن ناس

الرقاصة الغشيمه بتحجج بقشة الحصيرة

ركبناه ورانا مد ايده ع الخرج

رافق المسعد تسعد

رزق الهبل ع المجانين

ركوب و ركبتك و كمان تهز رجليك

زاد الطين بلة

زبال و شاكل له ورده

زرعنا اللوز طلع بقدونس

الزمار بيعرف دار الطبال

زمن غريب بيخلي القطة تشخر للديب

زوّج الفقيرة للفقير بيكتروا الشحّاتين

( زي أباريق الجامع( كل واحد شكل

زي الفراشة بتحوم حول السراج تاتنحرق

ساعه لقلبك و ساعه لربك

ساير العيار لباب الدار

شافت الخنفسه بنتها ع الحيط قالت الها: يسلملي بياضك ع سواد الحيط

شحاد و مشارط

شم ولاتذوق

شَمّام هوا وقطّاف ورد

الشهر اللي ما إلكش معاش فيه ليش تعد أيامه

شو أحلى من العسل قال الخل ببلاش

شو فهم الحمير بأكل الزنجبيل

شو هيّة لحسة حلاوة؟

شو دخّلك بيت عدوك ؟ قال حبيب قلبي جواته

صارت عظامه مكاحل و مصارينه حبال

الصباح رباح

صباحه بيقطع الرزق

صوته ملعلع للسما

ضربني و بكى و سبقني و إشتكى

طبني طبتك العافيه

طلع تحت لساني شعر

الطمع ضر ما نفع

طنجرة و لقت غطاها

عاشر المصلي بتصلي و عاشر المغني بتغني

العز للرز و البرغل شنق حاله

عصفور باليد و لا عشرة ع الشجرة

عقله براسه بيعرف خلاصه

علمناه الشحادة سبقنا ع البواب

على بخت الحزينه سكرت المدينة

على عينك يا تاجر

عليه مناخير زي كوز الصبر

عمر الشقي بقي

عمر مديون ما انشنق

عملوك مسحر خلص رمضان

العنزه الجربا ما بتشرب إلا من راس العين

عيش يا كديش ليطلع الحشيش

العين بصيرة و اليد قصيرة

غاب القط العب يا فار

غالي و الطلب رخيص

الغنى بالغربه وطن و الفقر بالوطن غربه

فخار بيكسر بعضه

قاطع شرش الحيا

قال الله يلعن اللي بيحكي على الناس قال له يلعن اللي بيخلي الناس تحكي عليه

قال شو صبرك ع المر قال اللي أمر منه

قالوا للجمل زمر قال لا شفه مضبوطه و لا أصابع مفروقه

قالوا للجمل شو كارك قال بحيك حرير

قالوا للحرامي إحلف قال قرب الفرج

القرد بعين أمه غزال

قرد موالف و لا غزال مخالف

الجوع حكمــــــــه.
الإنسان عندما يجوع يقدر النعمة التي يحصل عليها.

الجوع كافـــــر.
الجوع يدفع بعض الناس لارتكاب المعاصي في سبيل الحصول على لقمة العيش.

الجنون فنون.
لما يأتي به المجانين من خوارق وأعمال.

الحق الغراب بدلك على الخراب.
يقال لحض الناس على مصاحبة الإنسان السوي المعتدل صاحب الأخلاق العالية
اما الإنسان الشرير فانه يقودك إلى طريقه المليء بالشرور كالغراب يبحث عن الخبائث
والجيف وقد قال احد الشعراء:-
إذا كان الغراب دليل قوم فأول ما يمر بهم جيف الكلاب.

الحيط الواطي الكل بنط عنه.
على الإنسان أن لا يكون مستضعفا وان يتخذ لنفسه من أسباب القوة ما يحول دون
الاعتداء عليه من الغير.

الحج حج والغمزة فيه.
اقامة الشعائر الدينية لا يغير طباع الإنسان.

الحكي مش زي الشوف.
أي أن الوصف لا يغني عن النظر.

الحيطان لها آذان .
لتحري السرية في ما تقوم به.

الخير والشر بالموالاة.
إذا ما صادف حضورك أمرا فيه خيرا إلا ونالك منه وكذلك الشر.

الجود من الموجود لكن بدو جهود.
إذا ما أراد الإنسان أن يكرم بشئ فلا بد من توفره مع وجود الرغبة والجهد لذلك.

الجنة بلا ناس ما بتنداس.
للحض على عدم الوحدة والانفراد عن الناس ويقولون ( موتك مع الجماعة رحمة ).

الحركة بركة.
الحض على نبذ الكسل.

الحمل اللي بتفرق بنشال وان مال على واحد قتله.
للحض على التعاون والتآزر بين الناس.

الحساب بالدرهم والكرم بالقنطار.
الحق مهما صغر أمره فلا عيب من المطالبة به.

الخبز الحاف بكبر الكتاف.
اعتقاد ان اكل الخبز لوحده يعرض الكتفين.
( الخري ) ( خري ) لنو لابس والا عري.
لهذا المثل قصة تتلخص في امرأة من البادية انتقدت زوجها بعدم التحدث في مجالس القبيلة
حيث أن الجميع يتحدث ويبدي رأيه إلا هو فقال لها انه يخجل من ملابسه حيث أنها قديمة وغير لائقة ، ثم قامت الزوجة بشراء القماش وتفصيل ثوب جديد لزوجها ثم ألبسته إياه وذهبت لمكان اجتماع العشيرة وجلست في محرم البيت تصغي للرجال وهم يتداولون أمر رحيل القبيلة وهي تنتظر أن تسمع حديث زوجها لكن دون جدوى فرفعت ستارة المحرم لتتأكد من وجوده فوقع نظره عليها فوقف وقال :- ( اسمعوا ا إذا رحلت العرب رحلنا وان ظلت العرب ظلينا ) فلما سمعت زوجته ما قال قالت هذه العبارة والتي أصبحت مثلا

الخال مخلى والعم مولى.
أي أن العم أولى بأبناء أخيه من خالهم.

الجار ولو جار.
يبقى الجار معززا مكرما لا ينتقص حق من حقوقه حتى ولو كان طبعه الجور.

الحي أبقى من الميت.
للحض على إبقاء الصلات مع أهل الميت ومشاركتهم العزاء.

الحكومة ما إلها صاحب.
الحكومة تعامل الناس سواسية أمام القانون.

الحجاز أبو هواه.
الإنسان الذي يفصل بين المتشاجرين لابد وان يناله من الأذى ولو قليلا.

الحية الربدة ولا الضيف المقيم.
الضيف الذي تطول ضيافته غير محبب لدى الناس لدرجة أن الأفعى أفضل منه.

الجمل بظلع من ذانه.
توافه الأمور يجب ان لا تؤثر على الإنسان.

الحكي الك يا حمارة والمعنى عليك يا جارة.
للذي يتكلم كلاما يعني به الآخرين.

الخي خي امراته والرعنة بتحلف بحياته.
للرجل تفاخر به اخته ولكنه يفضل زوجته عليها.

الحجر الصغير في محله قنطار.
لوضع الرجل المناسب بالمكان المناسب.

الخالق الناطق.
لبيان قوة التشابه.

الحيه ما بتعض بطنها.
للذي يحاول الوقوف بجانبك ضد ابناء جنسه.

الخيل الاصيلة بتجود في الاخير.
لمن يحقق نتائج طيبة في النهاية.

الجاجة ولو قصو منقارها ما بتتخلى عن كارها.
الانسان المتطبع بطبع من الصعب التخلي عنه.

الجديد اله بهجه.
اهتمام الناس بكل ما هو جديد.

الجوز رحمة ولو كان فحمة.
لحض الفتيات على الزواج والمتزوجات للحفاظ على ازواجهن .

الخطاب على الابواب.
يقال للتهكم على الفتيات اللواتي يدعين الخجل عند ذكر الزواج.

الحسرة على نصرة.
للانسان المغلوب على امره.

الحبل على الجرار.
لتتابع الامور.

الدم ما بصير ميه.
الفرد لا يتخلى عمن تجمعه بهم رابطة الدم.

الدار دار ابونا واجو الغرب طحونا.
للذي يستولي على أملاك الغير ويدعي انها ملكه.

الذبانة مش نجسه لكنها بتغلث على المعدة.
لبيان ان توافه الامور تنغص على الانسان.

الرجال مخابر مش مناظر.
الإنسان بجوهره ومخبره لا بشكله ومظهره.

الرزقة بدها نحنحه.
اي ان الرزق لا يأتي اعتباطا ويقولون ايضا ( الرزقة بدها خفية ).

الزيت اعمار البيت.
زيت الزيتون غذاء رئيسي في كل بيت لا يستغنى عنه.

الديك الفصيح في البيضة بصيح.
الانسان الذكي يظهر عليه ذكاءه منذ الصغر.

الدفا عفا والبرد لحاس القفا.
حض الناس على تدفئة اجسادهم.

الدار قفرا والمزار بعيد.
اليأس من تحقيق الهدف المنشود.

الدهن في العتاقي.
كبار السن اشد تحملا للحياة وقسوتها.

الريحة ولا العدم.
قبول الشئ مهما صغر افضل من عدمه.

الزمان اللي ما بيجي معك تعال معاه.
للحض على التأقلم مع الظروف .

الدار ضيقة والحمار رفاص.
يضرب لبيان ضيق الحال.

الزلمة برتتبط من لسانه .
كلمة الرجل هي كرباط وعليه احترامها

خالص تحياتي الكم

الحق الغراب بدلك على الخراب.
يقال لحض الناس على مصاحبة الإنسان السوي المعتدل صاحب الأخلاق العالية
اما الإنسان الشرير فانه يقودك إلى طريقه المليء بالشرور كالغراب يبحث عن الخبائث
والجيف وقد قال احد الشعراء:-
إذا كان الغراب دليل قوم فأول ما يمر بهم جيف الكلاب

هههههههه حلو هالمثل يا صاحبة الامتياز

مرورك الاحلى يا صلاح الدين

مشكورين الجميع و خاصة صاحبة الموضوع على الامثال

الي غايب ماله نايب والي نايم غطو راسه
الله ما شافوه بالعقل عرفوه
الي بدق الباب بسمع الجواب
الي بقدم السبت بلاقي الاحد
جاجه حفرت عراسها عفرت
يا مامن للرجال زي الي مامنه للمي بالغربال
الفلوس مرض للنفوس
عقلك براسك بتعرف خلاصك

موضوع كتير حلو
الف شكر الكم ع الامثال الجميله

اها حلوين كتير
مشكور

شكرا ع الأمثال الحلوه